Report Copied from Veekshanam Malayalam News Daily on 6th Sep കൊച്ചി: കേരളാ-എം.ജി സര് വകലാശാലകള് ക്ക് കീഴിലുള്ള കോളേജ് യൂണിയനുകളിലേയ്ക്ക് നടന്ന തെരഞ്ഞെടുപ്പില് കെ.എസ് .യുവിന് ഉജ്വലവിജയം. മിക്ക ജില്ലകളിലും നിരവധി കോളേജ് യൂണിയനുകള് കെ.എസ് .യു പിടിച്ചെടുത്തു. യൂണിവേഴ്സിറ്റി യൂണിയന് കൗണ് സിലര് സ്ഥാനത്തേക്ക് മത്സരിച്ച ഭൂരിപക്ഷം സ്ഥാനാര് ത്ഥികളും വിജയം നേടി. എസ് .എഫ് .ഐ കുത്തകയാക്കിവെച്ചിരുന്ന നിരവധി കോളജുകള് കെ.എസ് .യു പിടിച്ചെടുത്തു. എറണാകുളം ജില്ലയില് കോതമംഗലം ഇന്ദിരാഗാന്ധി കോളേജ് , മൂവാറ്റുപുഴ നിര് മ്മല കോളേജ് , തൃക്കാക്കര ഭാരത്മാതാ കോളേജ് , പിറമാടം ബി.പി.എസ് കോളേജ് , അങ്കമാലി എസ് .എം.ഇ, ആലുവ യു.സി, പുത്തന് കുരിശ് സെന്റ് തോമസ് കോളേജ് എന്നിവിടങ്ങളില് യൂണിയന് ഭരണം കെ.എസ് .യു പിടിച്ചെടുത്തു. മൂവാറ്റുപുഴ ഇലാഹിയ കോളേജില് കെ.എസ് .യു-എം.എസ് .എഫ് സഖ്യം ഭരണം പിടിച്ചെടുത്തു.കോതമംഗലം എം.എ കോളേജില് കെ.എസ് .യു മൂവാറ്റുപുഴ നിയോജകമണ്ഡലം പ്രസിഡന്റ് എല് ദോബാബു ചെയര് മാനായി തെരഞ്ഞെടുക്കപ്പെട്ടു. വിദ്യാഭ്യാസ മേഖലയിലെ പ്രശ്നങ്ങളില് ഇടപെട്ട് സമരമുഖത്ത് ധീരമായി നിലകൊണ്ട കെ.എസ് .യുവിന്റെ പ്രവര് ത്തനങ്ങള് ക്കുള്ള അംഗീകാരവും എസ് .എഫ് .ഐ അക്രമത്തിനും ഇരട്ടത്താപ്പ് രാഷട്രീയത്തിനും വിദ്യാഭ്യാസമേഖലയിലെ പ്രശ്നങ്ങളില് നിന്നുള്ള ഒളിച്ചോട്ടത്തിനു നല് കിയ തക്ക മറുപടിയുമാണ് ഈ നേടത്തിനുപിന്നിലെന്ന് കെ.എസ് .യു ജില്ലാ പ്രസിഡന്റ് തമ്പി സുബ്രഹ്മണ്യം, സംസ്ഥാന സെക്രട്ടറി ജോണ് സണ് മാത്യു, ട്രഷറര് അരുണ് ജോര് ജ് എന്നിവര് പറഞ്ഞു. കൊല്ലം എസ് .എന് വനിതാ കോളേജില് യൂണിവേഴ്സിറ്റി യൂണിയന് കൗണ് സിലര് സ്ഥാനത്തേക്ക് കെ.എസ് .യുവിലെ ഷെന് സി മാത്യു വിജയിച്ചു. പ്രകടമായ അഴിമതി നടത്തിയിട്ടും മറ്റ് സ്ഥാനങ്ങള് വിരലിലെണ്ണാവുന്ന വോട്ടുകള് ക്കാണ് കെ.എസ് .യുവിന് നഷ്ടമായത് . എന്നും എസ് .എഫ് .ഐക്കാര് വിജയിച്ചുവന്ന കോളേജില് യൂണിവേഴ്സിറ്റി കൗണ് സിലര് സ്ഥാനം കെ.എസ് .യു പിടിച്ചെടുത്തത് ഞെട്ടലുണ്ടാക്കി. ഫാത്തിമാ കോളേജ് , കൊട്ടാരക്കര സെന്റ് ഗ്രിഗോറിയസ് കോളേജ് , ശാസ്താംകോട്ട ദേവസ്വം ബോര് ഡ് കോളേജ് എന്നിവിടങ്ങളിലും കെ.എസ് .യു വിജയം നേടി. ഇടുക്കി ജില്ലയിലും കെ.എസ് .യു വന് മുന്നേറ്റം നടത്തി.ജില്ലയിലുടനീളം എസ് .എഫ് .ഐ-എ.ബി.വി.പിസഖ്യത്തോട് മത്സരിച്ചാണ് മികച്ച ജയം കൈവരിച്ചത് . ജില്ലയില് നിന്നും 13 കൗണ് സിലര് മാര് അടക്കം അന് പതോളം ജനറല് സീറ്റുകളില് കെ.എസ് .യു വിജയിച്ചു. അടിമാലി മാര് ബസേലിയോസ് , പെരുമ്പിള്ളിച്ചിറ അല് -അഷര് കോളജുകളില് യൂണിയന് ഭരണം നേടി. മറ്റ് കോളജുകളില് പ്രധാന സീറ്റുകളില് ഭൂരിപക്ഷവും കരസ്ഥമാക്കി.എ.ബി.വി.പിയുമായി പരസ്യമായി സീറ്റു ധാരണയിലൂടെ യൂണിയന് ഭരണം നേടാനാണ് മിക്ക കോളജുകളിലും എസ് .എഫ് .ഐ ശ്രമിച്ചത് . എസ് .എഫ് .ഐയുടെ ഏകാധിപത്യവും അക്രമവുംമൂലം കഴിഞ്ഞവര് ഷങ്ങളില് മത്സരിക്കാന് പോലും കഴിയാതിരുന്ന കലാലയങ്ങളില് ശക്തമായ പോരാട്ടം നടത്താനും കെ.എസ് .യുവിന് കഴിഞ്ഞു. പത്തനംതിട്ടയില് കടമ്മനിട്ട മൗണ്ട് സിയോണ് എഞ്ചിനീയറിംഗ് കോളജ് ,പെരുനാട് കാര് മല് എഞ്ചിനീയറിംഗ് , മല്ലപ്പള്ളി ഐ.എച്ച് .ആര് .ഡി എന്നിവിടങ്ങള് കെ.എസ് .യു തിരിച്ചുപിടിച്ചു. പത്തനംതിട്ട കാതോലിക്കറ്റ് കോളജ് , പരുമല പമ്പാ കോളജ് , അടൂര് സെന്റ് സിറിള് സ് കോളജ് എന്നിവിടങ്ങളിലെ ജനറല് സീറ്റുകളിലും കെ.എസ് .യു ഉജ്വലമായ തിരിച്ചുവരവ് നടത്തി. കോട്ടയം ജില്ലയിലെ ബസേലിയോസ് , ഏറ്റുമാനൂരപ്പന് , ഹെന് ട്രി ബേക്കര് മേലുകാവ് , പുതുപ്പള്ളി ഐ.എച്ച് .ആര് .ഡി എന്നിവടങ്ങളില് കെ.എസ് .യു യൂണിയന് വിജയം നേടി.പുതുപ്പള്ളി എസ് .എം.ഇ, കോട്ടയം സി.എം.എസ് , ഗാന്ധിനഗര് എസ് .എം.ഇ, ഉഴവൂര് സെന്റ് സ്റ്റീഫന് സ് തുടങ്ങിയ കോളജുകളിലും ശക്തമായ വിജയം നേടാനായി. എസ് .എഫ് .ഐയുടെ അക്രമ രാഷ്ട്രീയത്തിനെതിരെയും ഇടതുപക്ഷ ഗവണ് മെന്റിന്റെ തെറ്റായ വിദ്യാഭ്യാസനയങ്ങള് ക്കെതിരെയുള്ള താക്കീതാണ് ഈ വിജയമെന്ന് ജില്ലാ പ്രസിഡന്റ് ഷിന് സ് പീറ്റര് പറഞ്ഞു. ജില്ലയില് പന്ത്രണ്ടോളം കെ.എസ് .യു കൗണ് സിലര് മാര് വിജയിച്ചു. ആലപ്പുഴ ജില്ലയിലും കെ.എസ് .യു ഉജ്ജ്വല വിജയം ആവര് ത്തിച്ചു. എസ് .എഫ് .ഐ തുടര് ച്ചയായി വിജയിച്ചിരുന്ന കോളേജുകളില് പോലും കെ.എസ് .യുവിന് നേട്ടമുണ്ടാക്കാനായി. നങ്ങ്യാര് കുളങ്ങര ടി.കെ.എം.എം കോളേജിലെ മുഴുവന് സീറ്റും പിടിച്ചെടുത്തു. കായംകുളം എം.എസ് .എം കോളേജില് ചെയര് മാന് , റപ്രസെന്റേറ്റിവ് സീറ്റുകള് നേടി. ആലാ എസ് .എന് കോളേജില് ചെയര് മാന് , കൗണ് സിലര് മാര് , റെപ്രസെന്റേറ്റീവ് എന്നീസ്ഥാനങ്ങളും കെ.എസ് .യു പിടിച്ചെടുത്തു. പ്രവര് ത്തകര് നടത്തിയ ആഹ്ലാദ പ്രകടനത്തിന് നേരെ ഹരിപ്പാട്ടും കായംകുളത്തും എസ് .എഫ് .ഐക്കാര് അക്രമം അഴിച്ചുവിട്ടു. 12 കെ.എസ് .യു-യൂത്ത് കോണ് ഗ്രസ് പ്രവര് ത്തകര് ക്ക് പരിക്കേറ്റു. നങ്ങ്യാര് കുളങ്ങര ടി.കെ.എം.എം കോളേജില് നിന്ന് ആഹ്ലാദ പ്രകടനമായി നീങ്ങിയ പ്രവര് ത്തകരെ ദേശീയപാതയില് എസ് .എഫ് .ഐ ഗുണ്ടാസംഘം ആക്രമിക്കുകയായിരുന്നു. അക്രമികള് കോണ് ഗ്രസ് ഓഫീസിന് നേരെ കല്ലേറ് നടത്തുകയും ചെയ്തു. ഇവരെ ഹരിപ്പാട് ഗവ. ആശുപത്രിയില് പ്രവേശിപ്പിച്ചു. കായംകുളം എം.എസ് .എം കോളേജില് നിന്ന് ആരംഭിച്ച ആഹ്ലാദപ്രകടനത്തിന് നേരെ കെ.എസ് .ആര് .ടി.സി ബസ് സ്റ്റാന്റിന് സമീപത്തുവെച്ചാണ് അക്രമമുണ്ടായത് . തിരുവനന്തപുരം ജില്ലയില് കെ.എസ് .യു കോളേജി യൂണിയന് തിരഞ്ഞെടുപ്പുകളില് മികച്ച വിജയം നേടി. പാങ്ങോട് മന്നാനിയ കോളേജ് , തുമ്പ സെന്റ് സേവേഴ്സ് , കാഞ്ഞിരംകുളം കെ.എന് .എം. കോളേജ് എന്നിവിടങ്ങളില് കെ.എസ് .യു. കോളേജ് യൂണിയന് ഭരണം പിടിച്ചെടുത്തു. നെടുമങ്ങാട് ഗവ: കോളേജ് , വര് ക്കല എസ് .എന് . കോളേജ് , തിരുവനന്തപുരം വിമന് സ് കോളേജ് എന്നിവിടങ്ങളില് ചെയര് മാനും കൗണ് സിലര് മാരുമടങ്ങുന്ന ജനറല് സീറ്റുകളില് കെ.എസ് .യു വിജയിച്ചു. തുമ്പ സെന്റ് സേവേഴ്സ് കോളേജ് , കാഞ്ഞിരംകുളം കെ.എന് .എം. കോളേജുകള് എസ് .എഫ് .ഐ.യില് നിന്നാണ് കെ.എസ് .യു. പിടിച്ചെടുത്തത് . പാങ്ങോട് മന്നാനിയ കോളേജിലെ ക്യാംപസ് ഫ്രണ്ട് , എസ് .എഫ് .ഐ. എന്നീ വിദ്യാര് ത്ഥി സംഘടനകളെ പിന്നിലാക്കി മുഴുവന് സീറ്റുകളിലും കെ.എസ് .യു. തിളക്കമാര് ന്ന വിജയം നേടി. തിരുവനന്തപുരം വിമന് സ് കോളേജ് കഴിഞ്ഞ പതിനഞ്ചു വര് ഷത്തിനുശേഷം ചെയര് മാനും കൗണ് സിലര് മാരും ഉള് പ്പെടെയുള്ള ജനറല് സീറ്റുകളില് വിജയിച്ചു.
December 17, 2008...10:05 am
കെ എസ് യുവിന് ചരിത്ര വിജയം
Jump to Comments
